कैलाली । कैलालीको गौरीगंगा नगरपालिका–६ मोयास्थित भैरव महिला सामुदायिक वनमा बाघको आक्रमणबाट एक युवकको मृत्यु भएको छ।

शुक्रबार बिहान च्याउ टिप्न वनमा गएका गौरीगंगा नगरपालिका–६ चरिडाँडाका अन्दाजी ४० वर्षीय कृष्ण चौधरीको बाघको आक्रमणबाट मृत्यु भएको हो।

जिल्ला प्रहरी कार्यालयका अनुसार बिहान करिब ५ बजे च्याउ टिप्ने क्रममा चौधरीमाथि बाघले आक्रमण गरेको थियो।

घटनाबारे बिहान ८ बजे इलाका प्रहरी कार्यालय चौमालाले जानकारी पाएलगत्तै प्रहरी वरिष्ठ नायव निरीक्षक रमेशबहादुर शाहीको कमाण्डमा चार जनाको प्रहरी टोली घटनास्थलतर्फ खटिएको थियो।