कैलाली, १ फागुन । बाघको छाला सहित सहित दुई जना पक्राउ परेकाछन् ।

सुदूरपश्चिम प्रदेश प्रहरी कार्यालय धनगढी र ईलाका प्रहरी कार्यालय मालाखेती कैलालीबाट संयुक्तरुपमा खटिएको प्रहरी टोलीले अछाम चौरपाटी गाउपालिका ५ का १८ वर्षिय सुबाश बोहरा र १७ वर्षिय सुनिल बोहरालाई पक्राउ गरेको हो ।

गोदावरी नगरपालिका वडा नं. २ अत्तरिया बसपार्क स्थित शंका लागि चेक जाँच गर्दा उनीहरुको साथबाट बाघको छाला थान–१ (पुच्छर सहितको लम्बाई ३ फिट, चौडाई ५ ईन्च) सहित पक्राउ गरेको हो ।

यसैगरि ईलाका प्रहरी कार्यालय टीकापुर कैलालीबाट खटिएको प्रहरी टोलीले टीकापुर नगरपालिका वडा नम्बर १ बनगाउँका २५ वर्षिय यम बहादुर घर्तिमगरलाई ६६० मिलि ग्राम लागु औषध खैरोहेरोईन सहित पक्राउ गरेको छ । यस बारे प्रहरीले थप अनुसन्धान गरिरहेको जनाएको छ ।