काठमाडौं, १० फागुन । नेपाल प्रहरी प्रधान कार्यालय नक्सालले हाजिर नभएका कर्मचारीलाई सातदिन भित्र हाजिर नभए सेवाबाट हटाइने सूचना निकालिएको छ । प्रहरी प्रधान कार्यालयले सार्वजनिक सूचना जारी गर्दै हाजिर हुन नआएका नौजना प्रहरी कर्मचारीलाई सातदिन भित्रै हाजिर हुन आग्रह गरेको हो ।

कात्तिकदेखि बिना जानकारी हाजिर नभएका उक्त प्रहरी कर्मचारीलाई बाटोको म्यादबाहेक सात दिभित्र सम्पर्कमा आउन भनेको छ । चित्तबुझ्दो स्पष्टीकरणसहित हाजिर नभए प्रहरी नियमावली अनुसार सेवाबाट हटाइने सूचनामा उल्लेख छ ।