कञ्चनपुर — पहाडी जिल्लाहरुमा निरन्तरको वर्षासँगै महाकाली नदीमा पानीको बहाव बढेको छ । महाकालीमा जलस्तर बढेसँगै शारदा ब्यारेजका बनबासा पुलमा चारपांग्रे सवारी साधन आवागमनमा रोक लगाइएको छ ।

जिल्ला प्रहरी कार्यालय कञ्चनपुरका डीएसपी टेकबहादुर रावतका अनुसार शुक्रबार साँझ ५ बजेको मापन अनुसार महाकालीमा पानीको बहाव १ लाख १ हजार ३ सय ९२ क्युसेक पुगेको छ ।

सय वर्ष पुरानो जीर्ण पुलमा जोखिम हुन सक्ने भन्दै पानीको बहाव १ लाख क्युसेक नाघ्ने बितिक्कै चारपांग्रे सवारी साधन आवागमनमा रोक लगाइने गरिएको छ ।