बझाङ, ८ मंसिर । बझाङको प्रतिनिधिसभा सदस्यमा नेकपा एकीकृत समाजवादीका उम्मेदवार भानुभक्त जोशी निर्वाचित भएका छन्। उनी नेकपा एमालेका ऐनबहादुर महरलाई ९९८ मतान्तरले हराउँदै उनी विजयी भएका हुन्।

जोशीले २८ हजार एक सय ४३ मत ल्याउँदा महरले २७ हजार १४५ मत प्राप्त गरेको मुख्य निर्वाचन अधिकृत नन्दकिशोर राय यादवले जानकारी दिए।

प्रदेश सभा (१) मा नेपाली कांग्रेसका पृथ्वीबहादुर सिंह तीन हजार ७७६ मतान्तरले विजयी भए उनले १७ हजार ११३ मत प्राप्त गरे भने एमालेका अफिलाल ओखेडाले १३ हजार तीन सय ३६ मत पाए।