कैलाली, २८ पुस । सुदूरपश्चिम प्रदेशका नवनियुक्त मुख्यमन्त्री र मन्त्रीहरूले पद तथा गोपनीयताको शपथ ग्रहण गरेका छन्। 

प्रदेश प्रमुख देवराज जोशीले मुख्यमन्त्री राजेन्द्रसिंह रावल र २ जना मन्त्रीलाई शपथ खुवाएका हुन्।

मुख्यमन्त्रीको सिफारिसमा प्रदेश प्रमुख जोशीले सत्तारूढ गठबन्धनबाट थप २ जना मन्त्री नियुक्त गरेका हुन्। रावलले माओवादीका खगराज भट्ट र एमालेकी सन्तोष शर्मा थापालाई पनि नियुक्त गरेका छन्। यद्यपि मन्त्रीहरूको भने मन्त्रालय तोकिएको छैन। 

उनीहरूले पनि प्रदेश प्रमुख जोशीबाट बिहीबार नै पद तथा गोपनीयताको शपथ लिएका छन्।