कैलाली, १० माघ । सुदूरपश्चिमको बाजुरामा केन्द्रबिन्दु बनाई भुकम्प जाँदा एक जनाको मृत्यू भएको छ भने दूई जना भाईते भएका छन् । मंगलबार दिउँसो २ः४३ बजे बाजुराको मेला आसपास केन्द्रबिन्दु भएर भूकम्प गएको राष्ट्रिय भूकम्प मापन तथा अनुसन्धान केन्द्रले जनाएको छ।

सुदूरपश्चिम प्रदेश सहित नेपालको पश्चिमी क्षेत्रमा भूकम्पको धक्का महसुस भएको थियो ।

भूकम्प मापन केन्द्र सुर्खेतका अनुसार बाजुराको मैला भन्ने ठाउँलाई केन्द्रबिन्दु बनाएर ५ दशमलव ९ रेक्टर स्केलको भूकम्प गएको हो।

जिल्ला प्रहरी कार्यालय बाजुराले भूकम्पमा परि बाजुरामा एक महिलाको ज्यान गएको बताए । जिल्लाको गौमुल गाउँपालिका–२ को जुरेलीको स्थानीय जंगलमा घाँस काट्ने बेला गएको भुकम्पसँगै माथिबाट खसेको ढुंगा लागेर महिलाको मृत्यु भएको हो । यस्तै भूकम्पमा परेर दुई जना घाइते भएका छन् ।