धनगढी, १३ माघ । कैलालाीको गोदावरी नगरपालिका वडा नम्बर ३ चौकीडाँडाभित्री सडकखण्डमा मोटरसाइकलले ठक्कर दिँदा सोही ठाउँकी ४५ वर्षीया शारदा चन्दको मृत्यु भएको छ ।

बिहीबार साँझ सु.प.प्र ०१००९ प २३०८ नम्बरको मोटरसाइकलको ठक्करबाट चन्द घाइते भएका थिइन्। उपचारका लागि नेपालगञ्ज लैजाँदै गर्दा बाटोमा मृत्यु भएको जिल्ला प्रहरी कार्यालय कैलालीले जनाएको छ।

प्रहरीका अनुसार ठक्कर दिने मोटरसाइकलका चालक सुरेन्द्र भण्डारी पनि घाइते भएका छन् । उनको माया मेट्रो अस्पतालमा उपचार भइरहेको छ।