धनगढी, ३० फागुन । सुदूरपश्चिम प्रदेश सरकारले रानाथारू समुदायको खखडेहरा पर्व मनाउँन सार्वजनिक विदा दिएको छ । पर्वको अवसरमा आज कैलाली र कञ्चनपुरमा सार्वजनिक हो ।

यसअघि १ चैतमा सार्वजनिक बिदा दिने निर्णय गरे पनि त्यसलाई संशोधन गरी ३० फागुनमा नै सार्वजनिक बिदा दिने निर्णय मन्त्रिपरिषद बैठकले गरेको आन्तरिक मामिला तथा कानुन मन्त्रालयले जारी गरेको सूचनामा उल्लेख छ ।

कञ्चनपुर र कैलालीमा बसोबास गर्ने रानाथारू समुदायले होरी (होली) को अन्तिम दिन खखडेहरा पर्व मनाउँछन् । रानाथारू समुदायमा होरी सबैभन्दा महत्वपूर्ण पर्व हो । यस पर्वको अवसरमा सुदूरपश्चिम प्रदेश सरकारले २०७६ सालदेखि सार्वजनिक विदा दिन थालेको हो ।