धनगढी, ८ वैशाख ।लागूऔषध ओसारपोसारमा संलग्न रहेको आरोपमा कैलालीको भजनीबाट एक जना प्रहरी जवान पक्राउ परेका छन् । प्रहरी जवान अंकित चौधरीलाई लागूऔषध ब्राउन सुगरसहित चार दिनअघि पक्राउ गरिएको जिल्ला प्रहरी कार्यालयले जनाएको छ ।

भारतीय सीमा नाका कुसुमबाटबाट चौधरीसहित दुई जनालाई ३३ ग्राम लागूऔषध ब्राउनसुगरसहित पक्राउ गरिएको जिल्ला प्रहरी कार्यालयका प्रवक्ता प्रहरी नायब उपरीक्षक कुलदीप चन्दले जानकारी दिए ।

इलाका प्रहरी कार्यालय भजनीबाट गएको टोलीले चेकजाँच गर्दा लागूऔषधसहित दुई जना पक्राउ परेका र तीमध्ये एक प्रहरी रहेको खुलेको चन्दले बताए ।पक्राउ परेका चौधरी इलाका प्रहरी कार्यालय सुखडअन्तर्गत अस्थायी प्रहरी पोष्ट साडेपानीमा कार्यरत रहेको जिल्ला प्रहरी कार्यालयले जनाएको छ ।