कैलाली, ४ कात्तिक । चाडपर्वको बेलामा खानपानमा विशेष ध्यान दिन चिकित्सकहरूले सुझाव दिएका छन् । दसैँ पर्वमा बढी मात्रामा मासु, मदिरा र गुलियो पदार्थको सेवन गर्दा मानव स्वास्थ्यमा प्रतिकूल असर पार्ने भएकोले ध्यान दिन सुझाव दिएका हुन् ।

दशैं–तिहारजस्ता चाडपर्वमा खाइने खानाले विभिन्न क्यान्सरको जोखिम बढाउने, मदिराजन्य पदार्थले कलेजो, घाँटी, पेट, स्तन तथा आन्द्राको क्यान्सरको जोखिम बताउने सक्ने भएको हुदा खानपानमा ध्यान दिन चिकित्सकको सुझाब छ ।

चिकित्सकका अनुसार प्रशोधित मासु र अन्य खानेकुरा खानाले नाइट्राइट र नाइट्रेटजस्ता तत्त्व उत्पन्न गर्छ र यसले क्यान्सरको जोखिम बढाउछ ।

मासुमा कोलेस्ट्रोलको मात्रा बढी हुने भएकाले मुटुका रक्तनलीहरु बन्द हुने सम्भावना हुन्छ । चिकित्सकका अनुसार “दैनिक एक सय ग्रामभन्दा बढी मासु खाने मानिसहरूलाई मुटुको हृदयघात हुने सम्भावना १५ प्रतिशतले बढ्छ ।” नियमित मासु सेवन गर्ने मानिसलाई मधुमेह र उच्च रक्तचापको पनि जोखिम हुन्छ ।