कैलाली । धनगढी उपमहानगरपालिकाको जग्गा प्लटिङसम्बन्धी कार्यविधि २०८० विरुद्ध सर्वोच्च अदालतमा रिट परेको छ । कैलालीको जग्गा तथा आवास विकास सङ्का अध्यक्ष उपेन्द्र अवस्थीले सो कार्यविधिविरुद्ध धनगढी उपमहानगरपालिकाको कार्यालयलाई विपक्षी बनाएर सर्वोच्चमा रिट दायर गरेका हुन् ।

नगर प्रमुखको एकलौटी निर्णयप्रति असन्तुष्टि जनाउँदै १९ वटै वडाका वडा अध्यक्ष एवम् कार्यपालिका सदस्यहरुले कार्यविधि खारेजीको माग गरेको र यसले जग्गा व्यवसायी लगायत धनगढीवासीलाई समेत अप्ठ्यारोमा पार्ने किसिमले निर्णय भएकोले रिट दिएको अवस्थीले उल्लेख गरे । मुद्दाको पेशी पुस ११ गते तोकिएको छ ।
यसैबीच, धनगढी उपमहानगरपालिकाका कार्यपालिका सदस्यहरुले प्रक्रिया विपरित कार्यविधि आएको भन्दै विरोध जनाएका छन् ।