दाङ । दाङको तुलसीपुरमा यात्रुबाहक बसको ब्रेक फेल भएर दुर्घटना भएको छ । दुर्घनामा परि ३० जना घाइते भएको ट्राफिक प्रहरी कार्यालयले जनाएको छ ।

बर्दियाको बडैयाताल गाउँपालिका-६ मैनापोखरबाट पिकनिकको लागि दाङ आउँदै गरेको भे १ ख २०४१ नम्बरको बस आज बिहान तुलसीपुर-१३ दमारगाउँ नजिकै दुर्घटना भएको हो।

दुर्घटनामा ३० जना घाइते भएको ट्राफिक प्रहरी कार्यालय तुलसीपुरका प्रमुख इश्वरी देवकोटाले जानकारी दिए । देवकोटाका अनुसार, घाइतेमध्ये केहीलाई नेपालगञ्ज र केही तुलसीपुर लगिएको छ।