कैलाली । कैलालीको धनगढीमा स्कुटर दुर्घटना हुँदा एक जनाको मृत्यु भएको छ ।

धनगढी उपमहानगरपालिका–६ को जालीस्थित वासुदेवी स्कुल नजिक से १ प २८५९ नम्बरको स्कुटी मङ्गलवार साँझ आफै अनियन्त्रित भएर पल्टिदा बर्दियाको बाँसगढी नगरपालिका–४ बठौवागाँउ बस्ने २५ वर्षीय लालु चौधरीको मृत्यु भएको हो ।

जिल्ला प्रहरी कार्यालय कैलालीका प्रवक्ता प्रहरी नायव उपरीक्षक कुल दीप चन्दका अनुसार दुर्घटनामा गम्भीर घाइते भएका चौधरीलाई उपचारको लागि सेती प्रादेशिक अस्पताल लगिएको थियो । तर उनको घटना स्थलमै मृत्यु भईसकेको प्रहरीले जनाएको छ ।

दुर्घटनामा जाई बस्ने २५ बर्सका रमेश चौधरी र २३ बर्षका चन्द्रावती राना घाइते भएका छन् । उनीहरू दम्पती हुन् । दुर्घटना भएको स्कुटरमा तीन जना सवार रहेको प्रहरी नायव उपरीक्षक चन्दले जानकारी दिए ।