कैलाली । यहि फागुन २१ गते हुने प्रतिनिधिसभा सदस्य निर्वाचन, २०८२ लाई स्वतन्त्र, निष्पक्ष र भयरहित वातावरणमा सम्पन्न गर्नकालागि सोमबार राती १२ बजेदेखि विहीबार राती १२ बजेसम्म नाका बन्द हुने जिल्ला प्रशासन कार्यालय कैलालीले जनाएको छ ।

भारतसँग सीमा जोडिएको कैलाली जिल्लाका सबै सीमा नाका फागुन १८ गते (तद्नुसार ०२ मार्च २०२६) सोमबार राती १२ बजे फागुन २१ गते (मार्च ५) बिहीबार राती १२ बजेसम्म नाका बन्द रहने जिल्ला प्रशासन कार्यालय कैलालीको सूचना अधिकारी शिवराज जोशीले जानकारी दिए ।