कैलाली । कैलारी गाउँपालिकामा एक पुस्तादेखि अर्को पुस्तासम्म गुरही र सोटा बनाउने कार्यशाला भएको छ ।

गोहिनके फाउण्डेसन कैलालीको आयोजना तथा कैलारी गाउँपालिकाको कार्यालयको सहयोगमा विद्यालयमा पढ्दै गरेका विद्याथीहरुलाई गुरही र सोटा बनाउन सिकाएको हो ।

पुरानो पुस्ताको ज्ञान सीप नयाँ पुस्तामा रुपान्तरण गर्न फाउण्डेसनले गुरही र सोटा बनाउन सिकाएको हो । कार्यशालाका प्रमुख अतिथि कैलारी गाउँपालिका उपाध्यक्ष भगवतीकुमारी चौधरी रहेका थिईन् ।

उनले पुर्खाको ज्ञानसीप नयाँ पुस्तामा हस्तान्तरण हुन नसकेर थारु समुदायको कला, संस्कृति पनि लोप हुदै गईरहेको बताईन् ।