कैलाली, १५ जेठ । गणतन्त्र दिवसको अवसरमा आम माफि पाएर जेल मुक्त भएका रेशम चौधरी बर्दिया पुगेर स्वागत सभालाई सम्बोधन गरेका छन् । उनले नागरिक उन्मुक्ति पार्टी २०८४ सालमा शासन गर्ने तर्क दिए ।

उनका अनुसार जतिबेला यो देशमा सिमेन्टको पिल्लर बनाउने र सिमा घेर्ने पैसा नहुँदा यहाँका थारुहरु सालको थुठो गाडेर सिमानाको रक्षा गरेका हुन् । उनले थपे ‘हामी यो देशसंग केहीपनि मागेनौं तर यति मात्रै भन्यो तपाईहरु हाम्रो आंगनमा देउसी भैलो खेल्न पाउँने, हामी चाहि सखिया नाच्न नपाउने । यो कस्तो राजनीति हो ।’

उनले राजनीतिमा घुसपैठ भएको अंकित गर्दै भने यो देशको काँचुली फेर्न अभियान २०८४ ले घरिएको छ अब नागरिक उन्मुक्ति पार्टीले यो देशमा राज गर्नेछ, शासन गर्ने छ । उनले आफु कमैयाको छोरो रहेको बताउदै कमैयाको सवालमा अवाज उठान नछोड्ने बताए ।