कैलाली, २१ जेठ । पछिल्ला केही दिन यता तराईका जिल्लामा गर्मी बढेर जनजीवन प्रभावित बनेको छ । लुम्बिनी प्रदेशका रुपन्देही , कपिलवस्तु, बाँके, बर्दिया, नवलपरासी जिल्लाको जनजीवन प्रभावित बनेको हो ।

प्रदेशका १२ जिल्ला मध्ये ६ वटा पहाडी र ६ वटा तराईका जिल्लाहरू पर्छन् । त्यसमा अहिले तराईका जिल्लामा गर्मीले तयहाँ स्थानीयको जनजीवन प्रभावित भएको हो । गर्मीका कारण विद्यालय जान आउन कठिन भएपछि विद्यालयहरू पनि बन्द गरिएको छ ।

धेरै स्थानीय तहहरूले गर्मी बिदा दिएका छन् । बुटवल, भैरहवा, नेपालगन्ज, तौलिहवा जस्ता सहरमा दिउँसोमा मानिसहरू जरुरी काम बाहेक बाहिर निस्केका छैन । भैरहवामा पछिल्ला दिन यता ४० डिग्री आसपासमा ताप क्रम रहेको मौसम विभागले जनाएको छ ।